50 главных молитв тем, кто всегда поможет. Отсутствует
яко никтоже таков друг и предстатель, защититель и поборник, якоже ты, святый Ангеле: предстоя бо Престолу Господню, молишися о мне непотребнем и паче всех грешнейшем, да не изымет Преблагий души моея в день нечаяния моего и в день творения злобы. Не престай убо умилостивляя премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и имиже весть судьбами, да спасет мя: да накажет мя зде по Своей неизреченней милости, но да не обличит и не истяжет мя онамо по Своему нелицеприятному правосудию; да сподобит мя покаяние принести, с покаянием же Божественное Причащение достойне пряти, о сем паче молю, и таковаго дара всеусердно желаю. В страшный же час смерти неотступен буди ми, благий хранителю мой, прогоняя мрачныя демоны, имущия устрашити притрепетную душу мою: защити мя от тех ловления, егда имам преходити воздушная мытарства, да хранимь тобою, безбедно достигну рая ми вожделеннаго, идеже лицы святых и Горних Сил непрестанно восхваляют всечестное и великолепое Имя в Троице славимаго Бога, Отца, и Сына, и Святаго Духа, Емуже подобает честь и поклонение во веки веков. Аминь.
Ангеле Божий, хранителю мой святый, на соблюдение мне от Бога с Небесе данный, прилежно молю тя: ты мя днесь просвети, и от всякаго зла сохрани, ко благому деянию настави и на путь благий направи. Аминь.
Молитва Архангелу Гавриилу
Святый великий Архангеле Гаврииле! Божию Престолу предстояй и озарением от Божественнаго света осиянный, ведением же непостижимых Таин о превечней премудрости Его просвещенный! Всеусердно молю Тя, настави мя к покаянию от злых дел и ко утверждению в вере моей, укрепи и огради душу мою от искушений прельстительных, и умоли Создателя нашего о отпущении грехов моих. О Святый великий Гаврииле Архангеле! Не презри мене, грешнаго, молящагося тебе о помощи и заступлении твоем в веце сем и в будущем, но присно помощник мне явися, да непрестанно славлю Отца и Сына и Святаго Духа державу и твое предстательство во веки веков. Аминь.
Молитвы за детей. «Сохрани их под кровом Твоим…»
Родительское сердце никогда не бывает спокойно ни за малых, ни за взрослых чад. Поэтому молитвы за детей – это наши главные молитвы. Мы обращаемся молитвенно к Спасителю и очень часто – к Пресвятой Богородице, на чьи материнские чувства уповаем. Молитвы перед почитаемыми иконами Пресвятой Богородицы – особый род молитвенного труда. Иногда для его совершения требуется проделать паломнический путь к иконе или же найти возможность обретения домашней иконы. Мы будем говорить в этой и последующих главах о чудотворных иконах Пречистой.
За детей в продолжение дня Молитва к Спасителю
Это молитва считается ежедневной молитвой. Читайте ее перед иконами Христа Спасителя.
Господи Иисусе Христе, буди милость Твоя на детях моих (имена), сохрани их под кровом Твоим, покрый их от всякаго лукаваго похотения, отжени от них всякаго врага и супостата, отверзи им уши и очи сердечныя, даруй