Лаглайбыт күөх харыйачаан. Группа авторов
бэрдин баайбыт.
Онтукатын биhи дьиэбит
Түннүгэр ыйаан кэбиспит.
Үчүгэйиэн, дьиҥнээх талаан,
Оhуор-дьарҕаа түhэрбит,
Уустук-ураннык ойуулаан
Оҥорор да буолар эбит!
Тыллар аптаах дьикти мас
Тымныы саамай үгэнигэр,
Лабааларын ахсын араас
Таастан астар үүнэллэр:
Көмүс хахтаах туораахтар,
Хаптаҕастар, моркуоптар,
Дьаабылыка бииһин ууһа,
Кылбачыгас муус дьаҥха.
Мэник уоттар мутукча
Иннэтинэн сырсаллар,
Кэрэ-мааны харыйа
Сулустарын саҕаллар.
Умай, сырдаа, сулуспут,
Саҥа дьылга суол ыйа!
Дьолу сирдиир суолдьуппут
Саргылардаах харыйа!
Саҥа дьыл – аптаах кэм,
Баҕа санаа туолуута,
Саҥа дьыл – көрдөөх кэм,
Бары үөрэ көрсөбүт.
Саҥа дьылга мин дьоммор
Кистээн бэлэх бэлэмниэм,
Харыйаҕа ыйанар
Ооньуурдары оҥоруом.
Хаар киһини кырыйан
Түннүктэргэ сыһыарыам.
Хаар кыырпаҕын быһаммын
Хосторбутун киэргэтиэм.
Саҥа дьылы кэтэһэбин,
Хас күн хаалтын ааҕабын,
Тымныы оҕонньор кэлэрин
Олус күүскэ күүтэбин.
Иһэр эбээт, доҕоттоор,
Саҥа дьылбыт барахсан.
Үлүскэннээх үөрүүлээх,
Үгүс элбэх кэһиилээх.
Оҕо аймах көрүлүүр,
Ойон-тэбэн биэрээхтиир,
Үҥкүү-битии тардаахтыыр,
Саҥа дьылы көрсөөхтүүр.
Саҥа дьылга түмсүөҕүҥ,
Аймаҕынан мустуоҕуҥ,
Алгыс тылын ылыаҕыҥ,
Арчыланан сырдыаҕыҥ.
Элбэх уоттаах харыйа
Сандаарыйа тыгыахтын.
Оҕо сааһы санаттын,
Үөрүүтүттэн бэристин.
Саҥа дьыл, кэрэҕин!
Күүтэбит эйигин!
Саҥа дьыл, үөрдээриий,
Эн кэлэ охсоорууй!
Саҥа дьылбыт тиийэн кэллэ
Салаасканан сырылаан,
Саҥа дьылбыт тиийэн кэллэ
Харыйанан дыргыйан.
Саҥа дьылбыт тиийэн кэллэ
Көрү-нары көҕүлээн,
Саҥа дьылбыт тиийэн кэллэ
Үөрүү-көтүү кэһиилэнэн.
Тымныы эһээ оҕонньор,
Хантан тиийэн кэллиҥ эн?
Ханнык ыраах суолунан
Аан дойдуну эргийэн?
Үрүҥ хаары көбүтэн,
Сыарҕаҕынан сырылатан,
Табаларгын көлүнэн,
Кэһиилэргин хомунан,
Тиийэн кэллиҥ биһиэхэ
Түннүкпүтүн кырыалаан,
Дьыссааппытын киэргэтэн,
Көрү-нары тэрийэн.
Саҥа дьылы аһаҥҥын
Сиэҥҥин сиэтэн киирэҕин,
Оҕолору үөрдэҥҥин
Бэлэхтэргин биэрэҕин.
Саҥа