A Gosch wia schwärt. Wilhelm König
fortkeia
Uff dia baar keems jo no
ao nemme oo – sovl
nammt dr Weed raa –
abr dammas keed hot
Äamt - Äamt
1
So koma s Läaba ao rommbrenga
nochdr Schual
schiggma d Kendr glei ens Gschäft
dasse abbas vrdäanat
ällas andre kommt nochr
s Weib d Schwiigrleit ond d Jonge
2
So koma mitnandr ao auskomma
ma geit oem a Gschäft
schtelltn anna Maschee noo
zaaltn hia ond do iibrtarif
em Juni/Juli machtr mit Weib ond Kendr
drei Wocha Urlaub
oemads odr dahoem
maeschdens abr do henna odr do hooba
bei de Schwaaze ond Braone
no machtr weitr
mo-ar aufghaert hot gscheitr
ischtr jo noh et woara
3
I dääd jo meine nägschde
Schulda zaala vore nuie mach
wenne gwiiß wiißt
oob dees ällas ischt
waas do uffme zuakommt
Herbscht
S Oobst isch honda
zaalt aagwooga ond
vrdoelt and Ässr
Ets send Beem wiidr alloe
wia d Kia
nochm Mälga
daffatse iare Eitr
brav aezia
Abr saagens: saagens
se solles hussa lao
d Leit waarte blooß druff
oenr miaß da Ofang macha
No heebatse da Schwanz
vrdräat d Aoga
pfeifat uff d Hernr
lant ällas wia sisch
Ets goots a baar so
wianens äwwl ganga nischt
se wiißde sowiso niks bessrs
Andre goots so
wianens äwwl noh gao muaß
weilses et andersch wellat
Geburdsdaag
Waa niddsdr
schao a Geburdsdaag
wennde et
gscheitr wirscht?
A Mugg fir lengra Zeit
Haeland saage
will fluacha
will graad nochr langa
no schleet dees Luadr
mide Fliigl
ond seddst sich
aescht räacht
uff mein Grend ond dees
fir lengra Zeit
Faßbier
Verstärkter Druck auf Faßbierpreise
– i saag jo!
Hao-es et gsaet?
Dia machat mit ons
waase noh wellat
abr ets langabmrs
ets drengge Wei
Jo no
glaobe dees
ao noh
Nui en Bättlmoos Beitl
A Schächtale
fir vrdorbane Witz
(wuud oemool
endr Woch gläart)
a andrer Ausdrugg fir Fäachta:
Räachthao ond Räachtkriaga
Nui en Bättlmoos Beitl
isch däar Muat
zom Weitrgao ond dui Wuat
uff gschwollane Fiaß
Schaltrschtonda ond Betriibs-
Schtillegonga
Nui en Bättlmoos Beitl
isch a Hood vool Pfennig
zom Rausgee uff a Mark –
Adressa zom librnaachta
Briaf vo andre Bättlleit
a Schrift
wias dia gmacht hant
mo ets dia milda Gaba ausdoelat
ond nemme sae wellat
waase amool gwäa send
Nul en BättImoos Beit
dia Fliach, dia Blee
fir Friidenszeita
dia Ooweisonga
zom Wiidraufbau
– nemme sovl Schbrich
mae Ooschbrich
wenigr Schempfwertr
drfiar Nodizbiachr:
Jeder schreib ets doo
saene Aefäll selbr auf
vorse vrlaora gant
odr vo andre iibrsäa want…
Do ischtr jo friar
niks anders iibrigbliiba
als gefäachta gao
wenndede hoscht
iibr Wassr halta wella
bei danne Breis
bei danne
anhaltende Niidrschlääg
Kammradschaft
Gooscht? Gooscht?
Hosch schao gnuag?
Gnuag vom Gschäft
Gnuag vom Gschdangg
Gnuag vom Biar
Gnuag vom Wei –?
Hosch d Noos
schao vool –
vode Leit
vom Frialeng
vom Wentr
Vo damm Land
vom Näabl
vor Sonn
vor Wuuscht
vom Broot?
Gooscht? Gooscht?
Hosch