Уйлан!.. / Задумайся!... Ленур Иксанов

      Тальян гармуным күтәреп,

      Урамда йөрим кичен.

      Матур җырлар җырлый-җырлый

      Түгелә бара хисем.

      Узгандагы моңлы чакны

      Бүген дә искә алам.

      Урам буйлап җырлап барам,

      Кулымда – милли тальян.

      Тальян гармунны күтәреп,

      Урамда йөрим һаман.

      Тавышың – сандугач моңы,

      Минем яраткан тальян!..

      Борчуда да, шатлыкта да

      Кулымда минем тальян.

      Уйнамыйча, мин бүген дә,

      Ахры, булдыра алмам…

      Кызык уеннар уйнарга

      Дусларны чакырабыз.

      Моңлы җырларны җырларга

      Бәйрәмгә ашыгабыз.

      Тальян тавышын тыңларга

      Күңелдән яратабыз.

      Атлар чабышын карарга

      Бергәләп җыелабыз.

      Матур чүлмәкне ватарга

      Бергәләп җыелабыз.

      Көчле батырны табарга

      Көрәштә катнашабыз.

      Сабантуйга, Сабантуйга

      Чакыра күңелебез.

      Монда килергә чакыра

      Яраткан бәйрәмебез!

      Халкым минем бөркет сыман

      Ярата күкләрдә очарга.

      Халкым минем кояш сыман

      Галәмне әзер кочарга.

      Халкым минем, ярдәмгә килеп,

      Ашыга бүтәнне якларга.

      Фәһемле сүз кирәк, моң кирәк

      Кешегә бик кыен чакларда.

      Уян, татар! Уянырга вакыт.

      Хәмер шаукымыннан кит инде!

      Тик иманлы эшләр кылырга

      Вакыт, халкым, вакыт бит инде.

      Әйдә, татар! Уянырга вакыт.

      Динсезлектән, зинһар, кит инде!

      Аллаһ сүзен бүген аңларга

      Вакыт, халкым, вакыт бит инде.

      Уян, татар! Уянырга вакыт!

      Манкортлыктан әйдә кит инде!

      Ихлас телебезне сакларга

      Вакыт, халкым, вакыт бит инде.

      Башыңны күтәреп тыңла

      Моңлы татар җырларын.

      Хыялдан килгәннәр әнә

      Матур татар кызлары.

      Офыкны күзәтеп уйла

      Нурлы татар елларын.

      Кара диварны ишәр бер

      Батыр татар уллары.

      Каңгылдашып кайтып килә

      Ерактан кыр казлары.

      Болытлар китә, кара әнә –

      Алда татар язлары.

      Милләтем, син җырла бүген дә,

      Көйләрең яңгырый илемдә.

      Милләтем, син сайра һәр көндә,

      Бәхетем яңгырый күңелемдә.

      Милләтем, син кайна бүген дә,

      Көчең бар бетмәслек