Dakilang Asal. Aurelio Tolentino

      Ang damit na iyong dapat na isuot

      ay huag ang masagwa't huag ang dukhang lubos

      ang tipon n~g ganda't inam na tibubos

      na sa katamtamang sa kulay ay ayos.

      Kailan~gang sumunod sa ugaling moda,

      n~guni't huag lumampas n~g di tawanan ka,

      at huag kang magsuot n~g hindi mo kaya:

      ang mahal ay pan~git sa dukhang talaga.

      Paka-in~gatan mo ang iyong pananamit.

      n~g huag madun~gisan at n~g di mapunit;

      mainam ang luma, kung buo,t malinis,

      kay sa bagong wasak ó may duming bahid.

      Marikit ang murang hiyas kay sa mahal,

      kung ang gumagamit ay dukha n~gang tunay;

      ang dukhang magsuot n~g aring marin~gal

      kahit man binili, parang hiram lamang.

      Kahit na sa bahay ay dapat magsuot

      n~g damit na puting talagang pangloob,

      at huag mong gayahan ang asal na buktot

      sa gawing malinaw … ¡Hubu't hubad halos!

      Limutin ang cotso, at magbotitos ka,

      ang paa mo't binti upang huag makita:

      babaying may puri di dapat magtinda

      n~g dapat itago sa alin mang mata.

      Botitos ay mura, bukod sa mainam,

      at talagang dapat sa mahinhing asal;

      cotso't sapatilya ay napakamahal,

      sa may hiyang paa talagang di bagay.

      Di mo masasabing mahal na tibubos,

      sapagka,t matibay kung gawang tagalog:

      ang tatlo mang cotso'y masisirang sunod

      bago makawasak n~g isang botitos.

      At gayon din naman ang medias ay mura,

      n~guni at mahal ma'y dapat bumili ka:

      iyan n~ga ang tabing, sa mata n~g iba,

      n~g binting ma'y dan~gal at ma'y puring paa.

      Maging sa bahay ma't maging sa lansan~gan

      ay huag mong limutin ang panyong alampay:

      alampay ay siyang tabing na tangulan

      n~g dibdib-mu't batok sa mata n~g bayan.

      Kalsonsilyong puti na hahangang tuhod

      ay dapat gamiting damit na pangloob,

      ang puri mo'y upang di sumabog-sabog

      sa m~ga hagdana't lilipatang bakod.

      Ang tapis ay huag mong limutin kailan man,

      sa bihis tagalog sadyang kasangkapan:

      ang baro at saya kahit mura lamang

      ay áko n~g tapis, kung ma'y sadyang inam.

      Huag kang maniwalang nagbuhat ang tapis

      sa kakastilaang dito ay sumapit:

      m~ga nuno natin n~g tapi'y gumamit,

      tapis ay nangaling sa taping binangit.

      Paka-in~gatan mo ang gawang magbihis,

      ang samâ at buti'y dian masisilip;

      diyan nahahayag ang tinagong bait,