'n Luiperd in my bed. Annelize Slabbert
“tarantula” op die muskietnet te fusilleer. Of om die “rodot” (’n fraai veldmuisie met ’n lang neusie, “elephant shrew” of bosskeerbek) met ’n kierie uit te knikker waar sy in die buitestort probeer water drink.
Nie alle gaste skrik so maklik nie. ’n Baie dapper jong gas het een oggend doodluiters laat vir ontbyt opgedaag. Hy’t ’n storie gehad om te vertel: “You guys, I was in a delicate position standing at the toilet when I noticed a mamba hanging from the rafter of the roof in the bathroom. I thought I should just mention this.”
❧
Teetyd-tertjies
DIÉ smaaklike tertjies gee nie net met teetyd plesier nie, maar is ook heerlik saam met ’n groenslaai vir ’n ligte middagete of as voorgereg.
DEEG
Bestanddele
(Genoeg vir 4 tot 6 mense)
100 g harde botter
175 g meelblom
2 teelepels fyngekapte pekanneute
sout en peper
¼ teelepel neutmuskaat
1 teelepel vars of gedroogde roosmaryn
1 eiergeel
Metode
Verhit oond tot 180 °C.
Krummel die botter in die meel, neute, sout, peper, neutmuskaat en roosmaryn. Sodra deeg begin vorm, voeg die eiergeel by en bewerk die deeg totdat dit mooi deurgemeng is en ’n balletjie vorm.
Bedek met kleefplasiek en laat staan vir 10 minute voor dit uitgerol word in een groot of 12 klein gesmeerde tertbakkies. Druk gaatjies in deeg met ’n vurk.
Laat staan die deeg in die tertbakkies in die yskas vir 10 minute.
Sit waspapier oor die deeg en vul dop met droëbone (blind bak). Bak in oond vir 10 minute. Haal uit en laat effe afkoel.
VULSEL
Bestanddele
1 koppie blomkool
1 prei, gekap
½ eetlepel olyfolie
1 teelepel knoffel
sout en peper
½ koppie geblikte mielies
2 eetlepels gekerfde biltong
1 (± 90 g) bloukaas
¼ koppie gekapte sprietuie
300 ml vars room
3 eiers
2 eiergele
sout en peper
Metode
Rooster blomkool met prei, olyfolie, knoffel, sout en peper in die oond teen 180 °C vir 15 minute. Haal uit en laat afkoel.
Meng die geroosterde blomkoolmengsel met die mielies en biltong en gekrummelde bloukaas in ’n mengbak.
Klop die gekapte sprietuie, room, eiers en eiergele goed saam in ’n ander bak en geur met sout en peper.
MARMELADE
Bestanddele
½ eetlepel olyfolie
½ koppie fyngekapte songedroogde tamaties
½ eetlepel fyn kaneel
2 ansjovisfilette
2 eetlepels wit balsamiese asyn
1 eetlepel suiker
Metode
Verwarm die olyfolie in ’n pan en soteer die songedroogde tamaties saam met die kaneel en 2 fyngekapte ansjovisfilette vir 3 minute.
Voeg die asyn en suiker by en laat vir 10 minute afkook op matige hitte of tot dit stroperig is en die asyn so te sê weggekook het.
Samestelling
Skep die marmelade in die tertkors gevolg deur die blomkoolmengsel en dan die eiermengsel. Gee kans vir eiermengsel om regdeur te loop.
Bak tert of tertjies vir 30 tot 40 minute teen 180 °C. (Individuele tertjies is vinniger gaar.)
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.