Таза ойлор Так сөздөр. Алымкан Камчыбековна Карбозова

      Адам туулгандан ден соолугу чың адам – аны бузган ар бир адам “коркунучу”.

      Адам денеси дайыма ден соолукта болуп, жашоонун ыңгайына жараша өзгөрүп туруучу система. Дене ойго, сөзгө, жасаган ишиңе, жашаган жериңе, ишенген ишенимиңе жараша, айлана чөйрөдөгү адамдарга карап өзгөрүп туруучу касиетке ээ. Ар бир адам өзүнүн түшүнүгүнө, аң сезимине жараша энергетикалык ар кандай деңгээлде тургандыктан адам денеси сүйлөшкөн адамды түшүнүү үчүн анын энергетикалык акыбалы өйдө же төмөнкү частоталарга өтүп өзгөрүп турат. Ошон үчүн кээ бир адам өтө ийилчээк болгондуктан ылдый түшкөндөн кийин өйдө чыгууну унутуп “белимчи” болсо, кээ бир адам тактан ылдый түшкүсү келбегендиктен адамдар менен жалпы тил табыша албай “менменсинип” кыйналат. Ал эми өзүнө өзү ишенген, эмне кылаарын так билген адам болсо, ал “ийилчээк” дагы “эрки” да бекем адам. Андай адамдар магниттик тартылуу жана түртүлүү күчүнкантип колдонууну билген адамдар болгондуктан барда көппөй, жокто чөкпөй кантип жашоону билет.Адамдардын саны көбөйгөн сайын дүйнөлөрдүн саны дагы көбөйүүдө, себеби ар бир адам өзүнчө, өзгөчө жаралган адам. Бири-бирине окшобойт жана көпчүлүк окшош адамдар бир дүйнөнү куруп, ошол дүйнөгө кызмат кылат. Сенин дүйнөң кандай? Кандай дүйнөнү куруунун кызматындасың? Аны “бир өзүң билесиң бир кудай билет”– деген сыяктуу. Себеби сенин оюңда эмнелер болуп жатканын өзүңдөн башка эч ким билбейт. Ошон үчүн ар бир адам сырдуу жана көп кырдуу.

      Айлана чөйрөдөгү ар бир адам – ал сенин ички дүйнөңдү чагылдырып турган адам, сенин ички дүйнөң ошол адам аркылуу сени менен сүйлөшөт. Андай адамга “көңүлүңдү буруп” акыбалын түшүнүп “бооруң ооруп” жашоосуна ортоктош болуу же болбоо ал өзүңдөн. Анын жашоо образына кирип алып өмүр бою жашасаң да болот, а бирок “Сенин жашооңду ким жашайт? Эгерде туура түшүнсөң өзүңдүн жашооңду жашоо ден соолугуң үчүн, жаныңдын жыргалы үчүн эң сонун болмок. Эмнеге ишенсең ошол сенин чыныгы жашооң болуп келет. Ал адам – сенин ички дүйнөңдү чагылдырган күзгүң же экөөбүң бири-бириңе күзгүсүң!

      Ар бир адам денеси өзүнүн сезими менен өзүн өзү ооруу акыбалга алып келе алат жана андан өзү ойдун, сезимдин жардамы менен “көңүлүн башкага буруп” бошоно алат жана ден соолуктун толкунуна өтө алат. Ой ачкычы, сөз ачкычы, жашоонун ачкычы өзүңдүн сезимиңде, ички дүйнөңдө – “аң сезимиңде, түшүнүгүңдө!”

      Өзүңдү өзүң сыйлоо, колдоо, сүйүү – бул баардык тоскоолдуктардын ачкычы. Ал эми тоскоолдукту ар ким “коркуу” менен кетенчиктеп, өзү каалаган нерсени өз убагында аткарбастан артка чегинип, өзүнүн кыялы, сезими, ою, сөзү, жасаган ар кандай актануусу, шылтоосу, жалкоолугу, жоопкерчилигинин жоктугу менен күнүгө түзүп барат. Кимге кандай жашоо керек? Тандоо өзүңдөн. “Чечимиңди” кандай чыгарсаң жашооң өзүң түзгөндөй кана болот.

      Сөздүн ден соолукка тийгизген таасири жөнүндө?